قضايا و حوادث طالبة تتعرض الى عملية سرقة مساء اليوم بمحطة الباساج بتونس وتدعو من قد يعثر على أوراقها الشخصية الاتصال بها
نشر في 15 ديسمبر 2022 (22:13)
تعرضت الطالبة ريم بن فرج مساء اليوم الخميس 15 ديسمبر الى عملية سرقة بمحطة الباساج بتونس راجية مع يعثر على اوراقها الشخصية (بطاقة التعريف و بطاقة طالب وبطاقة بنكية) الاتصال بها على الرقم الهاتفي 97045085 ناهيك أنها على ابواب امتحانات.
وهذا ما كشفته ريم عن عملية السرقة:
"ثاني سرقة نتعرضلها في 2022 …
المرة الأولى اوراقي رجعولي و المرة هاذي صعييب برشا….
اليوم في الباساج مع الستة و نصف وانا نستنى في tcv المرسى جات الكار و قدمنا مع بعضنا باش نطلعو ا.. نفيق بشكون يجبد في الساك تلفتت نلقا واحد عمرو في الاربعينات حاطط يدو في وسط ساكي و خرج بورتفوي متاعي بالفجعة قتلو شبيك نورمال تعمل هكا يضحكلي ويوريني الي في فمو موس…. ويهز روحو ويمشي يجري يدخل في نهج ..
ناخو شوية ثواني باش نستوعب المصيبة… و نلقا تاليفوني بالزهر مافاقش بيه ولامالقاش الوقت باش يهزو …نقوم نبكي و ندخل في هستيريا في المحطة و معادش نعرف نخلط عليه ولا شنعمل يهبطولي ناس مالكار ويكالميوني وانا نهبط في شلال مالدموع والفحعة والصدمة و نحب على أوراقي و نخمم عالفلوس الي تهزو و المركز و التمبري والي يستنا فيا الكل ….الناس الي عاونوني اليوم و آنا في حالة détresse و تبهذيل نحب نقلكم ربي يكثر منكم الناس يفرحكم يعيشكم ماتهنيتو عليا كان كيف وصلت لباب الدار
في الانتظار لازمني نعاود بطاقة التعريف و بطاقة طالب وانا قادمة على امتحانات … ربي يخفف خبزتنا في هالبلاد"…
